नेपाली राजदुतावास लिस्वनले कार्य प्रारम्भ गरेसँगै दुतावासबाट पाईने सेवा सुविधाबारे सर्वसाघारणलाई जानकारी गराएको छ ।
राजदूतावासले Restelo स्थित Rua Pero de Alenquer 29, 1400-069, Lisbon मा रहेको आफ्नो कार्यालयबाट यही १६ अप्रिल २०२५ देखि सेवा शुरु गरेको हो ।
प्रहरी चारित्रिक प्रमाणपत्र (Police Report), पारिवारिक कागजात (Family Documents) र राहदानी (Passport) बारेमा अब दुतावासबाट सेवा सुविधा लिन सकिन्छ । राहदानी आवेदनका लागी भने पहिले नै अनिवार्य अनलाईन फर्म भरेर मात्र कार्यालयमा उपस्थित हुन सुचीत गरेको छ ।अनलाइन फारामका लागि https://emrtds.nepalpassport.gov.np मा गई फाराम भर्न सकिने छ ।
शुरुवाती अवस्थामा कागजातका समस्या बेहोर्दै आएका र अत्यावश्यक कागजात चाहिएका सेवाग्राहीहरुलाई विभिन्न मितीमा आउन उल्लेख गर्दै विज्ञप्ती जारी गरेको छ ।
नेपाली राजदूतावास, पेरिसबाट यस अघि प्राप्त प्रमाणित्र कागजातहरुको वितरण हरेक दिन सार्वजनिक विदाको दिनवाहेक दिउसो २ वजेदखि ५ वजेसम्म गरिने जनाएको छ
कुन् सेवाको कति शुल्क पर्छ?
दुतावासले विभिन्न सेवा सुविधा लिए बापत लाग्ने शुल्क पनि तोकेको छ । अहिलेको समयमा भने नगदमा मात्रै कारोबार हुने जनाएको छ ।
- साधारण राहदानी नविकरण (३४ पृष्ठको): १२० यूरो
- हराएको तथा ड्यामेज राहदानीका लागि (३४ पृष्ठको): १८० यूरो
- १० बर्ष मुनिको नावालकका लागि (३४ पृष्ठको): ६० यूरो
- १० बर्ष मुनिको नावालकको हराएको तथा Damage राहदानीका लागि (३४ पृष्ठको): ९० यूरो
- प्रहरी चारित्रिक प्रमाणपत्र प्रमाणित गर्न: १०० यूरो
- पारिवारिक प्रमाणपत्र प्रमाणित गर्न: ५० यूरो
- शैक्षिक प्रमाणपत्र प्रमाणित गर्न: १५ यूरो
दुतावासले कन्सुलर सेवाको समय बिहान ९.३० देखी बेलुकी ४.०० बजेसम्म तोकेको छ भने एक देखी दुई बजेको समयमा एक घण्टा बन्द रहनेछ । पोर्चुगलको राजधानी लिस्वनमा दुतावास स्थापना भएसँगै सेवा सुविधा सुरु भएपछि नेपालीहरुले धेरै राहत महशुस गरेका छन्
