काठमाडौँको तीनकुनेमा दुईजनाको ज्यान जानेगरी भएको राजावादी आन्दोलनका कमान्डर दुर्गा प्रसाईंको खोजी प्रहरीले जारी राखेको छ । प्रसाईंले भने सानाजिक संजालमार्फत भिडियो सार्वजनिक गर्दै आफु मन्दीरमा रहेको बताएका थिए । उनले आफुलाई कसैले भेट्न नसक्ने र अब एक कदम पछाडी हटेर सिंह जसरी आक्रमण गर्ने भन्दै चुनौती दिएका तर प्रहरीले उनी कहाँ छन् भन्ने नै पत्ता लगाउन सकेको छैन।
दुर्गा प्रसाईं र पक्राउ परेका व्यक्तिहरूको विषयमा सोमबार दिउँसो उपत्यकाका प्रहरी कार्यालय प्रमुखसहितलाई बोलाएर प्रहरी महानिरीक्षक (आईजीपी) दीपक थापाले छलफल गरेका थिए। छलफलमा प्रसाईं भारत पुगेको निष्कर्ष निकालिएको एक अधिकारीले बताएका छन् । ‘हामीले त्यो खालका मन्दिर तराईमा हुने भएकाले नवलपरासीदेखि झापासम्म फोकस भएर हेर्यौँ, कहीँ पनि त्यस्तो मन्दिर भेटिएन। देशका अन्य भागमा पनि खोज्यौँ तर त्यो मन्दिर नेपालको नभई भारतको हो भन्ने निष्कर्षमा पुगेका छौँ,’ स्रोत बतायो ।
